Scoileanna

Is é LOETB pátrún naoi nIar-Bhunscoil, lena n-áirítear scoil amháin a chuireann oideachas trí mheán na Gaeilge ar fáil, agus tá sé ina chomhiontaobhaí le cúig Phobalscoil. Tá ceithre scoil ag LOETB i gCo. Laoise agus cúig scoil i gCo. Uíbh Fhailí, iad go léir ag cur réimse cuimsitheach clár oideachais ar fáil chun freastal ar riachtanais an phobail áitiúil. Tá gach scoil comhoideachais agus il-sainchreidmheach, tiomanta dár gCroíluachanna Barr Feabhais san Oideachas, Cúram, Comhionannas, Pobal agus Meas. Soláthraímid an t-eispéireas oideachais den chaighdeán is airde d’fhoghlaimeoirí i gcomhréir leis an Roinn Oideachais agus Scileanna ‘Ag Breathnú ar ár gCreat Cáilíochta Scoileanna’. Cuireann ár scoileanna curaclam fairsing nuálach ar fáil a thacaíonn le foghlaimeoirí a n-acmhainneacht iomlán phearsanta agus acadúil a bhaint amach. Cuirtear réimse leathan gníomhaíochtaí seach-churaclaim ar fáil freisin. Cuirtear seirbhísí suntasacha mac léinn ar fáil trí struchtúir tacaíochta tréadacha, treoir, foirne tacaíochta mac léinn agus an clár críochnaithe scoile.

Ullmhaíonn scoileanna LOETB daltaí le haghaidh ardoideachais/tuilleadh oideachais, cláir PLC nó iontráil dhíreach isteach san ionad oibre. Cuirtear réimse iomlán ábhar ar fáil sa tSraith Shóisearach agus sa tSraith Shinsearach araon. Chomh maith le cláir an Teastais Shóisearaigh agus na hArdteistiméireachta araon, cuireann scoileanna sainchláir ar fáil freisin amhail Clár Scoile na Sraithe Sóisearaí (JCSP), an Ardteistiméireacht Fheidhmeach (LCA), Gairmchlár na hArdteistiméireachta (LCVP) agus an Idirbhliain (TY).