Airgeadas

Straitéis Airgeadais

Is é cuspóir na feidhme Airgeadais tacú leis an mBord na cuspóirí atá leagtha amach sa Litir Chinnte ón Roinn Oideachais agus Scileanna (ROS), sa litir leithdháilte ó SOLAS agus ó fhoinsí eile a bhaint amach laistigh den bhuiséad.  Áirítear le tacaíocht airgeadais tacaíocht chinnteoireachta, rialú corparáideach ar airgead poiblí, próiseáil idirbheart, agus cuntasacht reachtúil.

Cuntasacht Reachtúil

Tá feidhm ag diancheanglais chuntasachta maidir le LOETB. Áirítear ar na ceanglais sin cuntais bhliantúla a ullmhú i bhformáid arna forordú ag an Roinn Oideachais agus Scileanna (ROS) agus iniúchadh ar na cuntais sin ag an Ard-Reachtaire Cuntas agus Ciste (C&AG). Tá LOETB faoi réir iniúchadh ag an Aonad um Iniúchóireacht Inmheánach (IAU-ETB) freisin. Tá córais rialaithe airgeadais i bhfeidhm chun comhlíonadh na gceanglas sin a áirithiú agus chun a áirithiú go mbainfear amach cuspóirí go héifeachtach. Comhlíonann LOETB a oibleagáidí faoi dhlíthe cánachais agus áirithíonn sé go n-íoctar gach dliteanas cánach ar na dátaí dlite ábhartha nó roimh na dátaí sin, mar a leagtar amach faoi Roinn 27 den Chód Cleachtais maidir le Rialachas LOETB.